Բաժանորդագրվեք Zarkerak.am-ի տելեգրամ ալիքին։
«Իմացեք՝ ահավոր վախենում եմ Սամվել Կարապետյանի բոմժ դառնալուց, ընդ որում մինչև տարեվերջ, գոնե մի տասնամյակ դիմացը լիներ՝ քիչ կվախենայի»,-լրագրողների հետ ճեպազրույցում ասաց վարչապետ Նիկոլ Փաշինյանը։
Փաշինյանն անդրադառնալով ծանոթ-բարեկամներին պաշտոնների նշանակելու թեմային՝ ասաց․ «Վարդան Ղուկասյանի աղջիկը Գյումրիում դպրոցի տնօրեն է, Տարոն Մարգարյանի քույրը դպրոցի տնօրեն է, իմ մոտ էլ է հարց ծագում՝ ինչու։ Ես չունեմ գեթ մի ծանոթ, որը կա՛մ մանկապարտեզի տնօրեն է, կա՛մ դպրոցի տնօրեն է կա՛մ ընդհանրապես որևէ բանի տնօրեն է նշանակվել։ Ես ութ տարի վարչապետ եմ և պատասխանատու կերպով ասում եմ՝ իմ որևէ ծանոթ, բարեկամ որևէ տեղ ո՛չ դպրոցի տնօրեն է նշանակվել, ո՛չ մանկապարտեզի։ Հիշում եմ իմ խոսակցությունը հիմա ընդդիմության շարքերում գտնվող մի պաշտոնյայի հետ, հերթական աշխատանքային քննարկման ժամանակ, ասում եմ՝ այս մարդն ով է, որ այստեղ նշանակել ես, ասում է՝ ընկեր է, ասի՝ կարող է դու մտածում ես ընկեր չունեմ ՀՀ-ում, որ ընկերներիդ բերում շարում ես, մտքովդ չի անցնում, լավ վարչապետն ինձ նշանակել է այս պաշտոնին, վարչապետն ընկեր չունի՞, թե մտածում եք, որ բոլորդ ուժեղ շրջապատով տղերք եք, ես էլ մենակ ու տխուր եմ, հիմա ուղարկել եմ ընդդիմադիր գործունեության։ Այդ ընկերներից ոչ մեկը չի աշխատում հիմա, համենայն դեպս նրանք, ովքեր զուտ ընկեր լինելու փաստի բերումով են նշանակվել»։
