Բաժանորդագրվեք Zarkerak.am-ի տելեգրամ ալիքին։
Ատոմային Էներգիայի միջազգային գործակալությունը չի կարող ստուգումներ անցկացնել ռազմական հարվածների ենթարկված իրանական միջուկային օբյեկտներում մինչև այդ օբյեկտների ստուգման կանոնների ու ընթացակարգերի մշակումն ու հաստատումը: Այդ մասին հայտարարել է Իրանի փոխնախագահ, Ատոմային Էներգիայի կազմակերպության ղեկավար Մոհամադ Էսլամին։
Նրա խոսքով՝ գործակալությունը հիանալի հասկանում է դա: Պաշտոնյան ընդգծել է, որ Թեհրանը գործում է Իրանի խորհրդարանի կողմից ընդունված օրենքի և ԱԷՄԳ-ի հետ երաշխիքների մասին համաձայնագրի շրջանակներում:
Նա նշել է, որ վերջին հակամարտության ընթացքում հարձակման ենթարկված բոլոր միջուկային օբյեկտները նախկինում պատշաճ կերպով գրանցվել են գործակալությունում և պարբերաբար ստուգվել են նրա փորձագետների կողմից:
ԱՄՆ-ի հետ ռազմական գործողությունների ընթացքում ավելի վաղ թիրախավորվել էին Ֆորդոյի, Նաթանզի և Սպահանի միջուկային օբյեկտները։
