Բաժանորդագրվեք Zarkerak.am-ի տելեգրամ ալիքին։
Նկատի ունենալով ԱԲ ոլորտի Հայաստանի ներդրումները, մենք պետք է լրացուցիչ հասկանանք, անհրաժեշտության դեպքում հնարավորություն կա՞ որևէ տեղից էլեկտրաէներգիա ներկրել, այդ թվում՝ Ադրբեջանից: Այս մասին լրագրողների հետ ճեպազրույցի ընթացքում ասաց վարչապետ Նիկոլ Փաշինյանը՝ անդրադառնալով Լաչինում վերջերս տեղի ունեցած երկու երկրների էներգետիկ գերատեսչությունները համակարգող պաշտոնյաների հանդիպմանը:
Վարչապետը նաև նշեց, որ էլեկտրաէներգիա ներկրելու շուրջ քննարումներ կան նաև Վրաստանի, Իրանի Իսլամական Հանրապետության, ինչպես նաև Թուրքիայի հետ:
«Ավելին ասեմ՝ գիտեք, որ նախագիծ կա, որը ԵՄ-ն է ֆինանսավորում, և Վրաստանի հետ սահմանին փոխակերպիչ կայան է կառուցվում, որպեսզի հոսանքի արտահանում-ներմուծումն ավելի հեշատանա»,- ասաց Փաշինյանը:
