Բաժանորդագրվեք Zarkerak.am-ի տելեգրամ ալիքին։
ԹՐԻՓՓ-ով մեզ համար ապաշրջափակումն ավելի շուտ է սկսվել իրագործվել, քան Ադրբեջանի համար: Այս մասին ԱԺ-ում հայտարարել է խորհրդարանի նախագահ Ռուբեն Ռուբինյանը՝ անդրադառնալով «Հայաստան» դաշինքի պատգամավոր Արթուր Խաչատրյանի այն հայտարարությանը, թե ԹՐԻՓՓ-ի վրա հայկական ինքնիշխանությունը սահմանափակ է լինելու:
«Նախ՝ եթե դուք ուշադիր կարդաք՝ ի՞նչ է գրված, ԹՐԻՓՓ-ի իրագործումն ընդհանուր տարածաշրջանային ապաշրջափակման բաղադրիչ է: ԹՐԻՓՓ-ը դրա մաս է, և պայմանավորվածությունը հետևյալն է. բացվում է և՛ ԹՐԻՓՓ-ը, և՛ մնացածը, օրինակ՝ Երասխ-Սադարակ երկաթգիծը: Դա նշանակում է, որ ինչպես մեր տարածքն է բացվում Ադրբեջանի համար երկաթգծով, այնպես էլ իրենցը՝ մեզ համար»,-ասաց Ռուբինյանը:
Նրա խոսքերով Հայաստանը հիմա Ադրբեջանի տարածքով երրորդ երկրների հետ երկաթուղային կապ ունի:
«Ուզում եմ մեկ այլ բանի վրա ձեր ուշադրությունը հրավիրել. որ մենք հիմա Թուրքիայի տարածքով էլ Թուրքիայի և երրորդ երկրների հետ երկաթուղային կապ ունենք»,- ասաց ԱԺ նախագահը:
