Բաժանորդագրվեք Zarkerak.am-ի տելեգրամ ալիքին։
Խորհրդարանը 63 կողմ և 33 դեմ հարաբերակցությամբ ըդունեց «Կառավարության կառուցվածքի և գործունեության մասին» օրենքում և կից ներկայացված օրենքների նախագծերի փաթեթներում փոփոխություններ կատարելու մասին նախագիծը:
Ըստ նախագծի փաթեթի առաջարկվում էր ՀՀ արտաքին գործերի նախարարությունը անվանել Արտաքին գործերի և միջազգային առևտրի նախարարություն, Բարձր տեխնոլոգիական արդյունաբերության նախարարությունը անվնափոխել Բարձր տեխնոլոգիական արդյունաբերության և արհեստական բանականության նախարարություն, իսկ Աշխատանքի և սոցիալական հարցերի նախարարությունը անվնափոխել Աշխատանքի և բարեկեցության նախարարություն:
Հիմնական զեկուցող, արդարադատության նախարար Սրբուհի Գալյանը հայտնեց՝ օրենքների նախագծերի փաթեթով առաջարկվում է երեք նախարարության անվանափոխություն և գործառույթների վերանայում, որի նպատակն է արդիականացնել պետական կառավարման համակարգը՝ այն համապատասխանեցնելով Կառավարության կողմից իրականացվող պետական քաղաքականությանը և Հայաստանի զարգացման առաջնահերթություններին:
