Բաժանորդագրվեք Zarkerak.am-ի տելեգրամ ալիքին։
Պարոն Մանուկյան կոռուպցիան բացահայտելու համար այստեղ գալ հասնել պետք չէ, որ ձեզանից աջ թեքվեք կնայեք ուղիղ կոռուպցիայի աչքերի մեջ: Այսպես «Հայաստան» դաշինքի պատգամավոր Մեսրոպ Մանուկյանի ելույթին արձագանքեց ԱԺ նախագահի տեղակալ Վահագն Ալեքսանյանը իր ելույթի ընթացքում:
«Որ գալիս ու էստեղից ասում եք հոկտեմբերի 27, մի հատ հիշեք ձեր առաջնորդին մինչև հոկտեմբերի 27-ը: Հիշեք, թե ինչ էր ասում: Ասում էր. «ես լինելով նախագահ իշխանություն չունեմ, ես անկախ արբիտր եմ: Ամբողջ իշխանությունը վարչապետի ձեռքում է, և խորհրդարանի ձեռքում է»: Հոկտեմբերի 27-ին ինչ եղավ, խորհրդարանի նախագահը սպանվեց, վարչապետը սպանվեց: Եվ, ո~վ զարմանք, էն եղնիկներով սվիտրով Հայաստան եկածը դարձավ միլիոնատեր, իսկ պարոն Մանուկյանն էլ, որ էսօր 200 մլն դոլարի կողքին նստած գա ասի կոռուպցիա եմ բացահայտել»,-ասաց ԱԺ նախագահի տեղակալը:
Ալեքսանյանի խոսքերով 1999 թվականի հոկտեմբերի 27-ին այդ ժամանակ վարչապետ Վազգեն Սարգսյանի սպանությունից հետո նախագահ Ռոբերտ Քոչարյանը մաքրել էր երկրի ողջ պետական համակարգը բոլոր այն կադրերից որոնց նշանակել էր Վազգեն Սարգսյանը:
«Վազգեն Սարգսյանի սպանությունից հետո պետք է իր թիմակիցները իշխանություն ունենային, բայց չունեցան, փոխարենը ղարաբաղյան կլանը եկավ ու զավթեց իշխանությունը: Զավթեց, հարստահարեց ու 200 մլն դոլարը ջեբները դրած նստած է, որ հիմա էլ գաք էստող ասեք կոռուպցիա եք բացահայտում»,-ասաց Ալեքսանյանը:
