Բաժանորդագրվեք Zarkerak.am-ի տելեգրամ ալիքին։
Հայաստանի ազգային հավաքականի նախկին ավագ և Միլանի «Ինտերի» կիսապաշտպան Հենրիխ Մխիթարյանը սոցիալական ցանցերում անդրադարձել է Հայոց ցեղասպանության 111-րդ տարելիցին։ Հիշատակի հրապարակումը 37-ամյա խաղացողը տեղադրել է իր ինստագրամյան էջի «Սթորի» բաժնում, գրում է armsport.am-ը:
Տեղադրված լուսանկարում պատկերված է Ծիծեռնակաբերդի հուշահամալիրի անմար կրակը և խորհրդանշական անմոռուկը: Լուսանկարին կից Մխիթարյանը կատարել է հետևյալ գրառումը. «1915. Մենք հիշում ենք, WE REMEMBER, 24.04»:
Նշենք, որ ապրիլի 24-ը Հայոց ցեղասպանության զոհերի հիշատակի օրն է։ Մխիթարյանն ամեն տարի օգտագործում է իր մեծ լսարան ունեցող հարթակը՝ միջազգային հանրության ուշադրությունը հայ ժողովրդի պատմության այս ողբերգական էջի վրա հրավիրելու նպատակով։
