Բաժանորդագրվեք Zarkerak.am-ի տելեգրամ ալիքին։
Մեզ եկեղեցուն, ինքնության դեմ լինելու մեջ մեղադրում են նրանք, ովքեր իրենց հայաթներում եկեղեցիներ են սարքել, այդ եկեղեցիների վրա դրել են իրենց քեռու կնգա, հորեղբոր կնգա, սիրուհիների, բաջանաղների անունները, ասենք՝ սուրբ ինչ-որ բան։ Այս մասին այսօր Ազգայի Ժողովում կառավարության հետ հարցուպատասխանի ժամանակ ասաց ՀՀ վարչաապետ Նիկոլ Փաշինյանը։
Նա նշեց, որ իրենք վերականգնում են եկեղեցիները ՝ նախնիների անուններով, ինչպես նաև վերականգնում են ավերվող տաճարները։ «Այնտեղ մեկը տեսե՞լ է, մեր անունով ցուցանակներ կամ մեզ՝ որմնանկարների վրա, բայց նենց, որ չճանաչի ինչ-որ մեկը»,-ասաց նա։
Վարչապետը նշեց, որ իրենց քննադատողները ինչքան հեռու-կորած բարեկամներ ունեն, նկարում են պատերին։ «Հիսուսը իրենց պապին էր նման, կամ Սուրբ Աստվածածինը իրենց տատին էր նման, տնեցիքով են»,-ասաց նա, և նշեց, թե ոչ մեկ չի գնացել անտառի սարի ծայրին եկեղեցի վերականգնել, քանի որ այնտեղ «ռեկլամ» չկա և իրենց բաջանաղի անունը չեն կարող դնել՝ էլ չասաց, որ մոմի գործ չեն կարող անել։
