Բաժանորդագրվեք Zarkerak.am-ի տելեգրամ ալիքին։
«Հարգելի ընդդիմադիր գործընկերներ, ձեր խորհրդարանական գործունեության մայրամուտն ենք հիմա տեսնում, ակնհայտ է, որ պերաշկին ավելի լուրջ քաղաքական օրակարգ է ստեղծում Հայաստանում, քան՝ դուք: Վերջին շաբաթներին ակնհայտորեն դուք պտտվում եք պերաշկու շուրջ, պերաշկին դարձել է ձեր առանցքը, եթե մենք ձեր առանցքից հանենք պերաշկին, դուք կքանդվեք»,- ԱԺ արտահերթ նիստում դիմելով ընդդիմությանը՝ ասաց ՔՊ խմբակցության ղեկավար Հայկ Կոնջորյանը:
Կոնջորյանի խոսքով՝ եթե քաղաքական կշիռ ունենային, իրենց քաղաքական առաջնորդը կլիներ մի պատկառելի դաշնակցական, փոխարենը Ռոբերտ Քոչարյանն է. «Ինչ վատ կլիներ, որ Արծվիկ Մինասյանը լիներ Դաշնակցության առաջնորդը, բայց 135-ամյա Դաշնակցությունը մարդ չի գտել, որ իրեն առաջնորդի: Մարդ կա դարձել է Յանդեքսի նավիգատորի պես բան, նավիգատորը գոնե քեզ կարող է ասել՝ ուր գնաս, ուր չգնաս, մարդ կա հավելված է դարձել, բայց չենք կարող գոնե ներբեռնել»:
