Բաժանորդագրվեք Zarkerak.am-ի տելեգրամ ալիքին։
Եվրոպայի խորհրդի Խորհրդարանական վեհաժողովը հունիսի 24-ին նոր բանաձև է ընդունել՝ լուրջ մտահոգություն հայտնելով Ադրբեջանում այլախոհության համակարգային ճնշման կապակցությամբ, ընդգծել երկրի ցածր վարկանիշը Մամուլի ազատության ինդեքսում և փաստելով ԶԼՄ-ների, քաղաքական կուսակցությունների և ՀԿ-ների դեմ ուղղված սահմանափակող օրենսդրական դաշտը:
Զեկույցում դատապարտվում է Ադրբեջանի չմասնակցելը վեհաժողովի աշխատանքներին, նշվում է, որ Մարդու իրավունքների եվրոպական դատարանում բազմաթիվ որոշումներ կան, որոնք պահանջում են, որ Ադրբեջանը կատարի իր պարտավորությունները մարդու իրավունքների ոլորտում:
Բանաձևը կոչ է անում անհապաղ ազատ արձակել քաղբանտարկյալներին, պատշաճ հետաքննել լրագրողների նկատմամբ չարաշահումները: Միևնույն ժամանակ կառույցն անդամ պետություններին և դիտորդներին հորդորում է դիվանագիտական միջոցներ ձեռնարկել նրանց ազատ արձակումն ապահովելու համար:
Փաստաթուղթը նաև կոչ անում միջազգային կազմակերպություններին աջակցել փախստական ադրբեջանցի ակտիվիստներին ապաստան տրամադրելու հարցում և մերժել քաղաքական դրդապատճառներով արտահանձնումը:
Վեհաժողովը մտադիր է հետևել Ադրբեջանի կողմից ժողովրդավարական նորմերի պահպանմանը:
Մշակույթի, գիտության, կրթության և ԶԼՄ-ների հանձնաժողովի պատրաստած փաստաթղթին կողմ է քվեարկել 68 պատգամավոր, դեմ ՝ 8, ձեռնպահ ՝ 6:
Դիտումների քանակ37
