Բաժանորդագրվեք Zarkerak.am-ի տելեգրամ ալիքին։
Իսրայելի ռազմաօդային ուժերի ինքնաթիռները շարունակում են հարվածել Լիբանանի հարավային և արևելյան հատվածներում գտնվող բնակավայրերին, որտեղ տեղակայված են «Հըզբոլլահ» շիա աշխարհազորայինների թիրախները։ Լիբանանի առողջապահության նախարարությունը հայտնել է, որ վերջին 48 ժամվա ընթացքում այնտեղ զոհվել է 45 մարդ, վիրավորվել՝ 149-ը։
«Մարտի 2-ին ռազմական էսկալացիայի սկսվելուց ի վեր զոհված քաղաքացիական անձանց ընդհանուր թիվը հասել է 3756-ի, իսկ վիրավորներինը՝ 11632-ի», – ասվում է նախարարության կողմից տարածված հայտարարության մեջ։
Առողջապահության նախարարությունը նշել է, որ փրկարարները շարունակում են մաքրել Նաբաթիե քաղաքում և նրա հարակից տարածքներում ավերակները, որոնք ենթարկվել են ինտենսիվ ռմբակոծության։ Զոհերի թիվը, կանխատեսումների համաձայն, կաճի օրվա վերջում։
