Բաժանորդագրվեք Zarkerak.am-ի տելեգրամ ալիքին։
«Ապրիլի 1-ից կենսաթոշակները Հայաստանում բարձրանալու են, կենսաթոշակառուների ճնշող մեծամասնության համար, խոսքը 623 հազար 353-ի մասին է կենսաթոշակը բարձրանալու է 10 հազար դրամ և ավելի, մնացածի՝ 39 594 հոգու համար բարձրանալու է շուրջ 8500 դրամով, նրանք հիմնականում երկարամյա զինվորական կենսաթոշակ ստացող քաղաքացիներ են, որոնց կենսաթոշակն արդեն իսկ միջինում կազմում է 95 հազար դրամ»,- կառավարության նիստում այս մասին ասաց ԱՍՀ նախարար Արսեն Թորոսյանը:
«Նաև նախատեսված է բարձրացում հաշմանդամություն ունեցող մեր քաղաքացիների համար, որոնց դեպքում նույնպես նպաստները բարձրանալու են ուղիղ 10 հազար դրամով և հիշեցման կարգով տեղեկացնեմ՝ 1-ին,2-րդ,3-րդ խմբի և ֆունկցիոնալության խորը, ծանր, միջին սահմանափակումներ ունեցող քաղաքացիների նպաստներն այսօր 39 000, 37 500, 36 000 հազար դրամ են»,- նշեց Թորոսյանը:
«Սա շատ մեծ էական և փոփոխություն է 600 հազարից ավելի կենսաթոշակառուների համար, չհաշված հետվճարը, որը բարձրացրել ենք հունվարի 1-ի և, որը կազմում է 20 տոկոս՝ մինչև 10 հազար դրամ»,- ասաց նա:
