Բաժանորդագրվեք Zarkerak.am-ի տելեգրամ ալիքին։
Ռուսաստանի արտաքին գործերի նախարարությունը հանդես է եկել պաշտոնական հայտարարությամբ՝ կապված Վենեսուելայում ԱՄՆ-ի իրականացրած ռազմական գործողության և Նիկոլաս Մադուրոյի գերեվարման հետ։
Մոսկվան տեղի ունեցածը որակում է որպես «զինված ագրեսիայի ակտ» և խստորեն դատապարտում այն։ Ըստ ԱԳՆ-ի՝ ԱՄՆ-ի բերած հիմնավորումներն անհիմն են։
Ռուսաստանն իր զորակցությունն է հայտնել վենեսուելացի ժողովրդին և աջակցություն՝ «բոլիվարական ղեկավարության» կուրսին։
Ռուսական կողմը պաշտպանել է ՄԱԿ-ի ԱԽ անհապաղ նիստ գումարելու առաջարկը՝ իրավիճակը քննարկելու համար։
Մոսկվան հորդորում է թույլ չտալ հետագա էսկալացիա և հարցերը լուծել երկխոսության միջոցով՝ ընդգծելով, որ Վենեսուելան պետք է ինքնուրույն որոշի իր ճակատագիրը։
ՌԴ դեսպանատունը Կարակասում շարունակում է աշխատանքը բնականոն հունով։ Այս պահին տուժած Ռուսաստանի քաղաքացիների մասին տեղեկություններ չկան։
