Բաժանորդագրվեք Zarkerak.am-ի տելեգրամ ալիքին։
Մարսից Երկրում հայտնված 25 կգ քաշով քարը աճուրդի կհանվի Sotheby’s-ում։ Ակնկալվում է, որ այն կվաճառվի 2-4 միլիոն դոլարով։ Նման բարձր գինը բացատրվում է նրանով, որ սա Մարսից Երկրի վրա հայտնաբերված ամենամեծ քարն է։
Ինչպես հաղորդում է Associated Press-ը՝ հղում անելով աճուրդի տանը, NWA 16788 նմուշը երկնաքարի մի մասն է, որը Մարսի մակերևույթից դուրս է եկել աստերոիդի հետ բախվելուց հետո։ Այն անցել է ավելի քան 225 միլիոն կմ և ընկել Սահարա։ Այսպես կոչված «երկնաքարերի որսորդները» այն հայտնաբերել են Նիգերում 2023 թվականի նոյեմբերին։
375 x 279 x 152 մմ չափսերով ապարը պարունակում է Մարսի վրա հանդիպող բոլոր նյութերի մոտ 7%-ը։
