Բաժանորդագրվեք Zarkerak.am-ի տելեգրամ ալիքին։
«Սիլ Կապիտալ» ընկերության խորհրդի նախագահ Էդուարդ Սուքիասյանը շնորհավորել է Կանանց միջազգային օրը՝ իր ֆեյսբուքյան էջում ուղերձ հղելով․
«Սիրելի՛ կանայք,
Ջերմորեն շնորհավորում եմ ձեզ Մարտի 8-ի՝ Կանանց միջազգային օրվա առթիվ։
Տոնական այս օրը գեղեցիկ առիթ է ևս մեկ անգամ վերագնահատելու կնոջ դերը մեր կյանքում, ընտանիքում, աշխատանքում և հասարակության զարգացման գործում, քանզի Ձեր ներկայությունը, հոգատարությունը, իմաստությունն ու ուժը մեծ նշանակություն ունեն թե՛ մարդկային հարաբերություններում, թե՛ մասնագիտական միջավայրում։
Բարձր ենք գնահատում մեր կին գործընկերների ամենօրյա ներդրումը ընկերության հաջողությունների և առաջընթացի գործում։ Ձեր պրոֆեսիոնալիզմը, ճշգրտությունը, նպատակասլացությունն ու ներքին ամրությունը էական դեր ունեն մեր թիմի կայուն աշխատանքի և ընդհանուր արդյունքների ապահովման մեջ։
Մաղթում եմ ձեզ քաջառողջություն, խաղաղություն, ընտանեկան ջերմություն և երջանկություն։ Թող ձեր կյանքը լի լինի սիրով, հարգանքով, նոր հնարավորություններով և մեծ ձեռքբերումներով, իսկ յուրաքանչյուր օրը ձեզ բերի վստահություն, ուրախություն և նոր ուժ՝ իրականացնելու ձեր նպատակներն ու երազանքները։
Հարգանքով՝
Էդուարդ Սուքիասյան
«Սիլ Կապիտալ» ընկերության խորհրդի նախագահ»․
